ليل المحبين ياطوله ... اسود صباحه مثل ممساه
عيون تسهر ومشغوله ... كلن يغني على ليلاه

فيه حب ماتدري منهو له ... وفيه حب تعطيه من يبغاه
وفيه حب تنساه بسهوله ... وفيه حب والله ماتنساه

ياللي تشوفونه قولوا له ... البعد هذا انا مااقواه
روحي من البعد معلوله ... والاخ لاهي على دنياه

والله لو بأيدي اطوله ... كان اخذ الزين من يمناه
واقول يازين وشهو له ... اللي يحبك تبي فرقاه

اخترته من بين اللي حوله ... زعلت كل البشر لرضاه
لو هي على الصدفه محلوله ... قلبي انا المشكله يبغاه


كلمات: [ندعوك للتسجيل في المنتدى أو التعريف بنفسك لمعاينة هذا الرابط]